Маленькі астравок маёй зямлі -
Зялёны Астравец над срэбнай Лошай,
Такі прытульны і такі харошы,
Як сонца, бор і родныя палі.
Што ўяўляюць сабой сцяг і герб Астраўца і Астравецкага раёна?
Мы – астраўчане, наш родны горад – Астравец. Кожны горад мае свае знакі. Гэта ГЕРБ і СЦЯГ. Указам Прэзідэнта Рэспублікі Беларусь А.Р. Лукашэнка ад 14 чэрвеня 2007 года № 279 былі зацверджаны герб і сцяг Астраўца і Астравецкага раёна. Што яны сабой уяўляюць?
Пры ўтварэнні герба ўлічваліся гістарычныя падзеі і геаграфічнае становішча Астраўца, якім валодалі прадстаўнікі родаў Гаштольдаў, Карыцкіх. Герб уяўляе сабой варажскі шчыт, які перасечаны хвалістым поясам зялёнага колеру. На верхнім срэбраным полі адлюстраваны дуб з зялёнай маладой кронай і магутнымі карэннямі. На ніжнім блакітным – срэбная стронга, накіраваная ў правы бок. Дуб выражае моц, вынослівасць, даўгалецце, веру і славу. Рыба (стронга) з’яўляецца раннехрысціянскім сімвалам, які звязаны з ураджайнасцю, справядлівасцю, выкананнем усіх жаданняў. |
|
|
Сцяг – прамавугольнае палатно ў адносінах 1:2, якое складаецца з трох вертыкальных роўнавялікіх палос: блакітнага, белага і зялёнага колеру. У цэнтры палатна, на белым фоне, адлюстраваны герб. |